தேனி, தேனீ கலை இலக்கிய மையம் சார்பில் பாளை.சதக்கத்துல்லாஹ் அப்பா கல்லூரிப் பேராசிரியருக்கு நன்னெறி ஆசிரியர் விருது


சாகித்ய அகாதெமி விருது பெற்ற நாவலாசிரியர் பிரபஞ்சன் வழங்கினார்
தேனியில் உள்ள தேனீ கலை இலக்கிய மையம் சார்பில் பெரியகுளத்தில் 18.3.2017 சனிக்கிழமை மாலை 5 மணிக்கு நடைபெற்ற சாதனையாளர்களுக்குச் சாதனை விருதுகள் வழங்கும் விழாவில் பாளை. சதக்கத்துல்லாஹ் அப்பா கல்லூரித் தமிழ்த்துறைத்தலைவர் பேராசிரியர் ச.மகாதேவனுக்கு, சாகித்ய அகாதெமி விருது பெற்ற நாவலாசிரியர் பிரபஞ்சன் “நன்னெறி ஆசிரியர்” விருதினை வழங்கிப் பாராட்டினார். 

இவ்விழாவில் எழுத்தாளர் தேனிசீருடையான் முன்னிலை வகித்தார்.
 நன்னெறி ஆசிரியர் விருது பெற்ற பேராசிரியர் ச.மகாதேவன் 19 ஆண்டுகளாக சதக்கத்துல்லாஹ் அப்பா கல்லூரித் தமிழ்த்துறையில் ஆசிரியராகப் பணிபுரிந்துவருகிறார். கல்லூரியில் பயிலும்போதே பாரதப் பிரதமரின் தேசியவிருது, தமிழக முதல்வரின் உலகத்தமிழ்மாநாட்டு விருது பெற்றவர். சென்னையில் உள்ள கவிதைஉறவு அமைப்பின் தமிழ்மாமணி விருது, சென்னை கதீட்ரல் அரிமா சங்கத்தின் டாக்டர் ராதாகிருஷ்ணன் மாநில நல்லாசிரியர் விருது, பாலம் அமைப்பின் இளம்சமூகசேவகர் விருது  உட்படப் பல விருதுகள் பெற்றவர்.

அவர் எழுதி மலேசியாவில் உள்ள மலயாப் பல்கலைக்கழகமும் சென்னையில் உள்ள கலைஞன் பதிப்பகமும் இணைந்து மலேசியாவில் வெளியிட்ட பொய்கையாழ்வார், பூதத்தாழ்வார், வண்ணதாசன், இறையருட்கவிமணி கா.அப்துல்கபூர்  எனும் நூல்களுக்காவும், மாணவர்களுக்காக அவர் தொடர்ந்து எழுதிவரும் நன்னெறி குறித்த எழுத்துகளுக்காவும்  இவ்விருது அவருக்கு வழங்கப்பட்டது.

பெரியகுளம் கோவிந்தன் மயில்தாயம்மாள் அரங்கில் 18.3.2017 சனிக்கிழமை மாலை 5 மணிக்கு நடைபெற்ற சாதனையாளர்களுக்குச் சாதனை விருதுகள் வழங்கும் விழாவில் பாளை. சதக்கத்துல்லாஹ் அப்பா கல்லூரித் தமிழ்த்துறைத்தலைவர் பேராசிரியர் ச.மகாதேவனுக்கு நன்னெறி விருதினை சாகித்ய அகாதெமி விருது பெற்ற நாவலாசிரியர் பிரபஞ்சன் வழங்கிப் பாராட்டினார். இவ்விழாவில் தேனீ கலை இலக்கிய மையத்தலைவர் பாண்டியராஜன், எழுத்தாளர் தேனி சீருடையான் ஆகியோர் முன்னிலை வகித்தனர்.


படத்தில்: பாளை.சதக்கத்துல்லாஹ் அப்பா கல்லூரித் தமிழ்த்துறைத் தலைவர் பேராசிரியர் ச.மகாதேவனின் கல்விப்பணிகளைப் பாராட்டி சாகித்ய அகாதெமி விருது பெற்ற நாவலாசிரியர் பிரபஞ்சன் நன்னெறி ஆசிரியர் விருதினை வழங்குகிறார். அருகில் தேனீ கலை இலக்கிய மையத் தலைவர் பாண்டியராஜன் உள்ளார்.

Comments

Post a Comment

Popular posts from this blog

ஆசிரியர்களைப் போற்றுவோம்: தினமலர் என் பார்வை பேராசிரியர் சௌந்தர மகாதேவன், தமிழ்த் துறைத்தலைவர், சதக்கத்துல்லாஹ் அப்பா கல்லூரி, திருநெல்வேலி

Image
  செப்டம்பர்- 5 ஆசிரியர் தின சிறப்புக் கட்டுரை            பாடம் நடத்துபவர் ஆசிரியர், பாடமாய் நடப்பவர் நல்லாசிரியர். வழிகாட்டியாய் திகழ்பவர் ஆசிரியர், வாழ்ந்துகாட்டியாய் வாழ்பவர் நல்லாசிரியர். பெற்றெடுத்ததற்காகப் பெற்றோருக்கு நன்றி சொல்லும் நாம், எழுத்தறிவித்ததற்காக அகிலம் போற்றும் ஆசிரியர்களுக்குக் கடமைப்பட்டிருக்கிறோம். மாதா, பிதா, குரு, தெய்வம் என்கிறோம். தாய் ஈன்று புறந்தந்து தந்தையைக் காட்டுகிறாள், தந்தை, அறிவின் ஊற்றாயிருக்கும் ஆசிரியரை அடையாளம் காட்டுகிறார்,  அந்த உன்னதமான ஆசிரியரே தெய்வத்தை நமக்குத் தெரியப்படுத்துகிறார். அறியாமை இருளை அகற்றி அறிவு தீபத்தை ஏற்றிவைக்கும் நற்பணியை ஆசிரியர்களே செய்கிறார்கள். ஏணி, தோணி, அண்ணாவி, நார்த்தங்காய் எப்போதும் மற்றவர்களுக்கு உதவுவதற்காகவே இருக்கின்றன. ஏணி அனைவரையும் ஏற்றிவிட்டு இருந்த இடத்திலே இருக்கும், தோணி அனைவரையும் கரையேற்றிவிட்டுத் தண்ணீருக்குள்ளேயே மிதந்துகொண்டிருக்கும்,  அண்ணாவி என்கிற ஆசிரியர் தம் மாணவரைச் சனாதிபதியாக உயர்த்திவிட்டாலும் மிக அடக்கமாக அதே பள்ளியில், ...
Read more

ந.பிச்சமூர்த்தி என்கிற மாயக்கலைஞானி : பேராசிரியர் முனைவர் சௌந்தர மகாதேவன்,திருநெல்வேலி

Image
டிசம்பர் -4 ந.பிச்சமூர்த்தி நினைவுநாள் ஓட்டோடு ஒட்டிஉறவாட மனமில்லாமல் ஓட்டைவிட்டு ஒதுங்கி நிற்கும் புளியம்பழம் போல் வாழ்க்கையை ஒட்டியும் ஒட்டாமலும் முன்னிறுத்திப் பார்க்கின்றன ந.பிச்சமூர்த்தியின் இன்சுவைக் கவிதைகள்.  தொலைந்ததைத் தேடும்போதுதான்,   தொலைத்தும் தேடாத பலவும் கிடைப்பதைப் போல் ந.பிச்சமூர்த்தியின் கவிதைகளுக்குள் கவித்துவம்,மனிதம், நம்பிக்கை ஆகியவற்றைத் தேடும்போது நாம் தேடினாலும் கிடைக்காத பல பொக்கிஷங்கள் காணக் கிடைக்கின்றன. காணாமல்போனவனைத் தேடிப்போனவனும் காணாமல்போன கதையாய் ந.பிச்சமூர்த்தியைப் படிக்கும் வாசகன் அவர் கவிதைவெளிக்குள் காணாமல் போகிறான். அறிமுகமாகாத இடத்திற்குள் நுழைந்துவிட்ட ஒருவன் அந்த இடத்தைவிட்டகல அவசரமாய் நுழைவாயிலைத் தேடித் தவிப்போடும் தயக்கத்தோடும் நகர்கிற உணர்வை ந.பிச்சமூர்த்தியின் கவிதைகள் ஏற்படுத்துகின்றன. மகாகவி பாரதியின் வசனகவிதை வடிவமுயற்சிகளும், வால்ட்விட்மனின் ‘புல்லின் இதழ்களும்’   ந.பிச்சமூர்த்தியின் புதுமைமுயற்சிகளுக்குக் காரணமாக அமைந்தன. யாப்பின் அழகில் இலயித்துக் கவிதைகள் படைத்த   ந.பிச்சமூர்த்தி, வ...
Read more

இளையோர் தன்னம்பிக்கைக் கட்டுரை ;பேராசிரியர் முனைவர் சௌந்தர மகாதேவன்,

Image
இமயம் ஏறலாம் வா இளைஞனே! பேராசிரியர் முனைவர் சௌந்தர மகாதேவன், தமிழ்த்துறைத்தலைவர், சதக்கத்துல்லாஹ் அப்பா கல்லூரி (தன்னாட்சி), திருநெல்வேலி mahabarati1974@gmil.com ,   9952140275   * இந்தியாவின் இளையதூண்கள் இளைஞர்கள், சாதனை எனும் சொல்லின் நிகழ்கால நிஜங்கள் இளைஞர்கள். வெந்நீர் நிரப்பிய தவலைப் பானை மாதிரி கவலைப் பானையில் கண்ணீர் நிரப்பித் திரியும் பழக்கம் இளைஞர்களுக்கு இல்லை.  துள்ளித்திரியும் கவலையற்ற காளைகள் அவர்கள். விழியுமில்லை ஒளியுமில்லை ஆனாலும் இருட்டிலும் இயங்குகிறதே வவ்வால்! நினைத்ததை முடித்துக்காட்டும் வல்லமை அவர்களுக்கு உண்டு. ஒரு பறவையின் பரந்துபட்ட ஆகாயத்தைப் போல் விரிந்து கிடக்கும் விரிவானில் வலம்வரும் பட்டாம் பூச்சிகள் அவர்கள்.   இயக்கத்தின் அடையாளம் இளைஞர்கள்  . * நினைவு என்னும் நெடுவனத்தில் மலர்களும் இருக்கும் மலைப்பாம்புகளும் இருக்கும், தடைகளை இன்முகத்துடன் ஏற்றுத் தாண்ட முயன்ற இளைஞர்களையே வரலாறு வரவில் வைத்திருக்கிறது. சிகாகோ மாநகருக்குச் சென்று “சகோதர சகோதரிகளே!”   என்ற இரட்டைச் சொற்களால் இந...
Read more