யாவரும் தோளரே!

பேருந்துப் பயணங்களில்
விழித்திருந்து ரசிப்பவனாகவே!
பெரும்பாலும் நானிருப்பதால்
பக்கத்து இருக்கையில் அமர்ந்தபடி
சில்லென்ற சன்னல் காற்றின்
சிலுசிலுப்பால் அயர்ந்து தூங்கியபடி
என் வெண்சட்டையணிந்த
தோள்மீது தலைசாய்க்கும்
அந்தப் பெயர் தெரியாத
பயணியின் தலை சுமக்கும்
தோழமை மிக்கத் தோளன் நான்
யாதும் ஊரே
யாவரும் தோளரே!
துயில்பவரைத் துன்பப்படுத்தி
எழுப்பாமலிருக்கும் வரை.