பாளையங்கோட்டை சதக்கத்துல்லாஹ் அப்பா கல்லூரியில் பேரிடர் நிவாரண உதவிக்குழுவின் சார்பில் வெள்ளநிவாரணப் பொருட்கள் சேகரிப்பு




 பாளையங்கோட்டை சதக்கத்துல்லாஹ் அப்பா கல்லூரியின் பேரிடர் நிவாரணஉதவிக்குழுவின் சார்பில் மழைவெள்ளத்தால் பாதிக்கப்பட்ட சென்னை, கடலூர் மக்களுக்கு நிவாரணப் பொருட்களைச் சேகரிக்கும் பணி தொடங்கப்பட்டுள்ளது.

 கல்லூரியில் பயிலும் மூவாயிரம் மாணவமாணவியர் இப்பணியைத்தொடங்கியுள்ளனர். கல்லூரி மாணவ மாணவியர், பொதுமக்கள், தன்னார்வத்தொண்டர்கள் தங்களிடம் உள்ள பொருட்களைக் கல்லூரியில் தொடங்கப்பட்டுள்ள  நிவாரணப் பொருட்களைச் சேகரிக்கும் மையத்தில் 9.12.2015  காலை 8 மணிமுதல் தரலாம். 

 வேட்டி, நைட்டி, லுங்கி, துண்டு, சட்டை, சேலை,சுடிதார் போன்ற ஆடைகள், போர்வைகள்,பாய்கள்,டார்ச்லைட், எமர்ஜென்சி விளக்குகள், மெழுகுவர்த்திகள்,பிஸ்கெட் பெட்டிகள்,பால்பவுடர் டின்கள், பாத்திரங்கள்,தட்டு,டம்ளர்கள்,டெட்டால்,அத்தியாவசிய மருந்துகள், தண்ணீர்ப் பாட்டில்கள், செருப்புகள், ரஸ்க், குழந்தைகளுக்கான பால்பாட்டில்கள், கொசுவலைகள்,கொசுவர்த்திகள்,பற்பசை,சோப் போன்ற அத்தியாவசியப் பொருட்களைத் தரலாம்.

 9.12.2015 முதல் 13.12.2015 வரை  நிவாரணப்பொருட்களை மாணவமாணவியரோடு பொதுமக்களும் வழங்கலாம். அந்நாட்களில் பெறப்படும் அனைத்துப் பொருட்களும் பேராசிரியர்கள், மாணவர்கள் கொண்ட பேரிடர் நிவாரணக்குழு மூலம் பாதிக்கப்பட்ட சென்னை,கடலூர் பகுதிகளுக்கு லாரிகள் மூலம் எடுத்துச்செல்லப்பட்டு பாதிக்கப்பட்ட மக்களுக்கு நேரடியாக வழங்கப்படும் என்று சதக்கத்துல்லாஹ் அப்பா கல்லூரி முதல்வர் முனைவர் மு .முகமது சாதிக் அறிக்கைமூலம் தெரிவித்துள்ளார்.


கல்லூரியின் முன்னாள் மாணவர்களின் அன்பான கவனத்திற்கு
............................................................................................................................................
நம் கல்லூரியில் பயின்று வெளிநாட்டில் பணிபுரியும் முன்னாள் மாணவமாணவியர்களும் இந்த நிவாரணப்பணியில் பங்குபெறலாம். திருநெல்வேலி ,ரஹ்மத்நகரில் உள்ள கனராவங்கியில் உள்ள கல்லூரிக்கான வங்கிக்கணக்கு எண்: 2998101006875, IFSC CODE: CNRB OOO2998, CANARA BANK, RAHMATH NAGAR என்ற கணக்கில் செலுத்தியபின் முதல்வர் மின்னஞ்சல் முகவரிக்குத் தெரியப்படுத்தினால் அந்தத் தொகைக்கும் நிவாரணப்பொருட்கள் வாங்கி சென்னை மற்றும் கடலூருக்கு அனுப்பஏதுவாகும்.
                                   முனைவர் ச.மகாதேவன்,
                                    தமிழ்த்துறைத்தலைவர்

Comments

Post a Comment

Popular posts from this blog

ஆசிரியர்களைப் போற்றுவோம்: தினமலர் என் பார்வை பேராசிரியர் சௌந்தர மகாதேவன், தமிழ்த் துறைத்தலைவர், சதக்கத்துல்லாஹ் அப்பா கல்லூரி, திருநெல்வேலி

Image
  செப்டம்பர்- 5 ஆசிரியர் தின சிறப்புக் கட்டுரை            பாடம் நடத்துபவர் ஆசிரியர், பாடமாய் நடப்பவர் நல்லாசிரியர். வழிகாட்டியாய் திகழ்பவர் ஆசிரியர், வாழ்ந்துகாட்டியாய் வாழ்பவர் நல்லாசிரியர். பெற்றெடுத்ததற்காகப் பெற்றோருக்கு நன்றி சொல்லும் நாம், எழுத்தறிவித்ததற்காக அகிலம் போற்றும் ஆசிரியர்களுக்குக் கடமைப்பட்டிருக்கிறோம். மாதா, பிதா, குரு, தெய்வம் என்கிறோம். தாய் ஈன்று புறந்தந்து தந்தையைக் காட்டுகிறாள், தந்தை, அறிவின் ஊற்றாயிருக்கும் ஆசிரியரை அடையாளம் காட்டுகிறார்,  அந்த உன்னதமான ஆசிரியரே தெய்வத்தை நமக்குத் தெரியப்படுத்துகிறார். அறியாமை இருளை அகற்றி அறிவு தீபத்தை ஏற்றிவைக்கும் நற்பணியை ஆசிரியர்களே செய்கிறார்கள். ஏணி, தோணி, அண்ணாவி, நார்த்தங்காய் எப்போதும் மற்றவர்களுக்கு உதவுவதற்காகவே இருக்கின்றன. ஏணி அனைவரையும் ஏற்றிவிட்டு இருந்த இடத்திலே இருக்கும், தோணி அனைவரையும் கரையேற்றிவிட்டுத் தண்ணீருக்குள்ளேயே மிதந்துகொண்டிருக்கும்,  அண்ணாவி என்கிற ஆசிரியர் தம் மாணவரைச் சனாதிபதியாக உயர்த்திவிட்டாலும் மிக அடக்கமாக அதே பள்ளியில், அதே வகுப்பில் பாடம் நடத்திக்கொண்டிருப்பார்,
Read more

மே-15 உலகக் குடும்ப தினம் நல்ல குடும்பம் பல்கலைக்கழகம்

Image
              மே-15 உலகக் குடும்பதினம்               நல்ல குடும்பம் பல்கலைக்கழகம் பேராசிரியர் முனைவர் சௌந்தர மகாதேவன் , தமிழ்த்துறைத்தலைவர், சதக்கத்துல்லாஹ் அப்பா கல்லூரி (தன்னாட்சி), ரஹ்மத் நகர், திருநெல்வேலி 9952140275 http://www.dinamalar.com/news_detail.asp?id=1770821 உலகம் மிகப்பெரிய உறவுக்கூடம். அன்பின் ஆலயம். தனியே பிறந்த நாம் குடும்ப உறவுகளோடு சமூகமாய் வாழ்ந்து கொண்டிருக்கிறோம். வலியோடும் வலிமையோடும் வாழக் கற்றுத் தரும் பல்கலைக்கழகமாகக் குடும்பம் இன்றும் திகழ்ந்து கொண்டிருக்கிறது. நகரீகத்தின் போக்கில் போவதாய் உலகம் நினைத்துக் கொண்டு நிம்மதியை இழந்து மனிதர்கள் வாழ்ந்து கொண்டிருக்கும் இந்த நாளில் தமிழகத்தின் குடும்பங்களில் நிறைவு தவழ்ந்து கொண்டிருக்கிறது. பாதைகளற்ற பயணத்தில் அனுபவங்களே பாதங்கள். தாத்தா பாட்டி, அப்பா அம்மா, சித்தி சித்தப்பா, அத்தை மாமா போன்ற உறவுகள் பயணித்த பாதையில் அவர்களின் பாதச்சுவடுகளை அடியொற்றி நாம் நடத்தும் இந்த வாழ்க்கைப் பயணம் எவ்வளவு சுவாரசியமானது! திருக்கடையூரில் எண்பதுவயதுத் தாத்தாவுக்கும் எழுப்பத்தைந்து வயதுப் பாட்டிக்கும் பேரன் பேத்திக
Read more

அனுபவம் எனும் அற்புதஆசிரியர் தினமலர் என் பார்வைக் கட்டுரை : முனைவர் சௌந்தர மகாதேவன்

Image
அனுபவம் எனும் அற்புதஆசிரியர் முனைவர் சௌந்தர மகாதேவன், தமிழ்த்துறைத் தலைவர், சதக்கத்துல்லாஹ் அப்பா கல்லூரி, திருநெல்வேலி, 9952140275 வாழ்க்கை கற்றுக்கொடுக்கும், அனுபவம், நாம் கற்றுக்கொள்ளாததையும்   பெற்றுக் கொடுக்கும். அனுபவம், முதிர்ச்சியின் அடையாளம், அதிர்ச்சிகள் வராது தடையாளும் கருவூலம். மழைநாளுக்குப் பிறகு மண்ணைத் துளைத்து வெளியேறும் மண்புழுவைப் போல் தன்னைத் துளைத்துத் தன் சுயத்தைக் காட்டும் விஸ்வரூப விருட்சம்   அனுபவம். சல்லடையை வைத்து சமுத்திரத்தைச் சலிக்க முடியுமா? அனுபவத்தைப் புறந்தள்ளி யாராவது சாதிக்க முடியுமா? நினைவுப் பாம்புகள் புலப்பப் புற்றிலிருந்துதான் புடைதேடி வருகின்றன. அனுபவசாலிகள் என்றும் புலம்பலை மறந்த புத்திசாலிகளாகவே திகழ்கிறார்கள்.நம் அனுபவங்களை முதலீடாக்கி நம் முயற்சியை நாம் தொடங்கினால் என்ன?   சிக்கல் களையும் சிறப்புமருத்துவர் கருவறை முதல் கல்லறை வரை அனுபவத்தின் ஆளுமை தொடர்கிறது. தேவையற்றதைத் தேவையில்லாத நேரத்தில் வாங்கினால் தேவையானதை விற்கவேண்டிவரும் என்று கற்றுத்தரும் ஆசான் அனுபவமே. நம் செயல்களை நிறுக்கும் அரூபத் தராசு அனுபவம். பேச
Read more